Slowthai բեմական անունով հայտնի բրիտանացի ռեփերի՝ հիվադանոցի մահճակալին պառկած լուսանկարները համացանցում մեծ իրարանցում են առաջացրել, երբ մարդիկ պարզել են՝ նրա «մարմնի մասերն», իրականում, տորթից են պատրաստված, գրում է Mirror-ը։
Նշվում է՝ տորթը պատրաստվել է Feel Away տեսահոլովակի համար․ ինչպես ավելի ուշ պարզվել է, ռեփ կատարողի գլուխը և իրանը իրական են, բայց մարմնի մյուս մասերը՝ թևերն ու ոտքերն, իրականում, տորթից են պատրաստված։
Հրուշակագործն իր պատրաստած տորթի լուսանկարն անձամբ է հրապարակել սոցցանցերում՝ գրելով․ «Ես Slowthai-ին տորթի եմ վերածել»։
Նրա խոսքով՝ մարմնի մասերը պատրաստված են վանիլային տորթից և շոկոլադե գանաշից։
