Շատերն են թերագնահատում մետաղական սպունգը: Ոմանք առհասարակ չեն գնում այն, քանի որ իրենց կարծիքով փափուկ սպունգը հիանալի է լվանում, իսկ մետաղականը՝ միայն խազեր թողնում: Եթե դուք էլ եք այս կարծիքի, ուրեմն սա հենց ձեզ համար է: Պատմում ենք մետաղական սպունգի՝ կենցաղում կիրառման արտասովոր ու արդյունավետ եղանակների մասին:
Հնարք 1
Սպունգի կիրառման առաջին հնարքը պետք կգա բոլորին, սակայն զարմանալին այն է, որ այս մասին քչերը գիտեն: Պարզվում է, այս գերմատչելի առարկայով հնարավոր է սրել մկրատները: Ուղղակի վերցրեք մկրատը ու սկսեք կարծես կտրել սպունգը, բայց ոչ ուժեղ սեղմելով:
Այս եղանակով կարող եք սրել նաև քերիչը: Միայն թե այս դեպքում մետաղական սպունգով պիտի շփեք քերիչի մակերեսը:
Հնարք 2
Մետաղական սպունգով կարող եք բանջարեղեն մաքրել: Պարզապես շփեք բանջարեղենը, և կեղևը ինքն իրեն դուրս կգա:
Հնարք 3
Մետաղական սպունգով կարող եք մաքրել կոշիկների տակացուները: Թեթևակի շփեք, և կոշիկները նորից հմայիչ տեսք կունենան:
Հնարք 4
Եվ վերջինը, ժանգի մաքրում: Հավանաբար, այս եղանակը շատերին է ծանոթ, բայց ավելորդ չի լինի հիշեցնելը, որ մետաղական սպունգի շնորհիվ կարող եք ազատվել վաննայի ու լվացարանի ժանգից: