Դերասանուհի Էմմա Սապունջյանը բավական ակտիվ է սոցհարթակներում: Օրերս դերասանուհին ինստագրամում հարց ու պատասխան է կազմակերպել, որի ընթացքում պատասխանել է նաև անձնական կյանքի վերաբերող հարցերին:
Դրանց մեջ կային նաև հարցեր, որոնք վերաբերում էին Էմմայի և դերասան Գևորգ Գրիգորյանի սիրավեպի մասին լուրերին և դերասանուհու անձնական կյանքին:
Հետևորդներից մեկը հետաքրքրվել էր՝ արդյո՞ք Էմման ու Գևորգը բաժանվել են, ինչին ի պատասխան Էմման իր զարմանքն էր արտահայտել:
«Ի՞նչ: Ի՞նչ սովորություն ա դերասաններին կապել իրար հետ, ինչ ա նույն սերիալում ենք խաղում»,- գրել էր դերասանուհին:
Սակայն այս ամենով, կարծես թե, թեման չէր ավարտվել: Հետևորդը պնդել էր, որ Էմման անգամ Գևորգի տանն է ապրել:
«Ի՞նչ եք ծխում, կներեք էլի: Կարելի ա ինֆոն ճշտել, նոր անիմաստ խոսալ»,- պատասխանել էր Էմման՝ ապա ավելացրել.
«Հեսա ընկերս հետս որ կռվի, ուղարկելու եմ Ձեր մոտ, որ պատասխան տաք»:
Դրանից հետո արդեն դերասանուհին լուսանկար էր հրապարակել՝ հաստատելով, որ ընկեր ունի:
Նա հումորով նշել, որ իր մայրը իր փեսային շատ է սիրում: