Անհրաժեշտ բաղադրիչներ
- Կաթնաշոռ – 200 գրամ
- Կարագ – 100 գրամ
- 1 բաժակ ալյուր + գրտնակելու համար ալյուր
- Շաքարավազ
Պատրաստման եղանակը
1. Խառնել կաթնաշոռը, սառը կարագը և ալյուրը, փշուրի վերածել։ Խմորից գունդ ձևավորել և մեկ ժամով դնել սառնարանը։
2. Խմորը հանել սառնարանից, ալյուրի վրա գրտնակել 4 մմ հաստությամբ։
3. 6-7 սմ տրամագծով կլորակներ կտրել, կարելի է բաժակով։
4. Թասիկի մեջ շաքարավազ լցնել և խմորի կլորակները մտցնել շաքարի մեջ։ Այնուհետև կլորակը ծալում ենք՝ շաքարավազի մասը դեպի ներս, կիսաշրջանը նորից ծալում ենք և նորից վերին հատվածը շաքարոտում ենք։
5. Թխվածքաբլիթները շարում ենք յուղաթղթի վրա իրարից 2 սմ հեռավորության վրա։
6. Թխում ենք 190 աստիճանի տակ՝ 20 րոպե։