Ժողովրդական ապուր «Քրչիկի» պատրաստման եղանակն ու բուժիչ նշանակությունը
Անհրաժեշտ պարագաները
- տավարի արգանակ՝ 2լ,
- թթու դրած կաղամբ՝ 400գ,
- եփած ձավար՝ 140գ,
- գլուխ սոխ՝ 100գ,
- թթու դրած վարունգ՝ 100գ,
- մարվանդակի ճաղ(քարաուզ)՝ 30գ,
- թթու դրած բազկաճավ՝ 40գ,
- հալած յուղ՝ 200գ,
- կարմիր և սև պղպեղ,
- չոր ծոթրին(ծիթրոն) և արքայախոտ(ռեհան),
- թարմ գազար՝ 40գ,
- մաղադանոս՝ 30գ,
- գետնախնձոր՝ 100գ:
Պատրաստման եղանակը
Թթու կաղամբը լվանալ, մանր կտրտել և լցնել եռացող արգանակի մեջ, 15 րոպե հետո ավելացնել կտրտած թթու վարունգը, գազարը, մարվանդակը, թթու դրած բազկաճավը, չոր ծոթրինը, կտրտած գետնախնձորը(կամ կարտոֆիլը) և նախապես եփած ձավարը:
Վերջինս եփելուց հետո պատրաստել սոխեռած, որի մեջ լցնել նաև կարմիր ու սև պղպեղ:
Մատուցելուց առաջ ավելացնել չոր արքայախոտը և մաղադանոսը:
Բուժիչ նշանակությունը
Արտակարգ օգտակար է ինչպես սրտանոթային հիվանդությունների, այնպես էլ ֆիզիկական ու մտավոր հոգնածության դեպքում:
Խորհուրդ է տրվում, ըստ ցանկության, քրչիկի եփման ընթացքում ավելացնել նաև մանր կտրտած սերկևիլ՝ մոտ 40գ: