Լավ մարզավիճակում մնալու համար բավական է օրական կես ժամ մարզումներին հատկացնելը։
Մեկ ամիս պարապելուց հետո արդյունքն ակնհայտ կլինի։
Այսօր Positive-ն ավելորդ ճարպերն այրելու և կոնքերը ձգելու վարժություններ է առաջարկում։
Վարժություններ, որոնք կօգնեն ազատվել կոնքերի ճարպերից
1. Կքանստում և քայլեր․ կձգի ազդրերը և կվերացնի կոնքերի ավելորդ ճարպը։ Վարժությունը շատ պարզ է․
- Ձեռքերը պահել կրծքի ուղղությամբ՝ արմունկները ծալված։
- Կքանստելով դեպի աջ քայլել և առանց ծնկները ծալելու ելման դիրքին վերադառնալ։
- Հիմա նույնը անել դեպի ձախ։
- Յուրաքանչյուր ուղղությամբ 3-4 քայլ անել։
2. Հարձակուրդներ․ ամրացնում է ոտքերի, կոնքի և հետույքի մկանները։ Լավ արդյունքի համար վարժությունը կատարեք մարզագնդերով։
- Ոտքերը դնել ուսերի լայնությամբ։
- Հարձակուրդ անել դեպի աջ, ձեռքերը միասին պահելով դեպի կուրծքը (ոտքը պետք է ուղիղ անկյան տակ ծալված լինի)։
- Նույնը անել դեպի ձախ։ Ամեն ոտքով կրկնել 20 անգամ։
- Նույնը կրկնեք ոտքը դեպի հետ, որ աջ ոտքը ձախի հետևում լինի (ծունկը պետք է կպնի հատակին)։ Ամեն ոտքի համար կրկնեք 20 անգամ։
3. Ատրճանակ՝ կոնքի և ազդրերի մկանների համար
- Մեջքն ուղիղ պահել, ոտքերը միասին։
- Բարձրացնել ձախ ոտքը և կքանստելով աջ ոտքը առաջ ձգել, որ այն հատակին զուգահեր լինի։
- Հավասարակշռությունը պահելու համար պետք է ձեռքերը առաջ ձգել։
- Վերադառնալ ելման դիրքին և նույնը կրկնել մյուս ոտքով։
- Ամեն ոտքի համար կրկնել 15 անգամ։
4. Ցատկեր և կքանստում․ ձգում է ոտքերը, այրում է ճարպը և ձգում ազդրերը։
- Ոտքերը դնել ուսերի լայնությամբ։
- Ցատկել և անմիջապես նստել։
- Ցատկել, իրանը դեպի աջ շրջել ու նորից նստել։
- Ցատկել, դեպի ձախ շրջել իրանը, նստել։
- Ամեն ուղղությամբ 20 ցատկ կատարել։
5. Հարձակուրդներ և հարվածներ․ բարձրացնում է մկանների տոնուսը, կլորացնում է ազդրերը և ձգում է ոտքերը։
- Ուղղել և միացնել ոտնաթաթերը։
- Աջ ոտքով մեկ հաշվին դեպի հետ հարձակուրդ անել, երկու հաշվին բարձրացնել ոտքը և հարվածել։
- Նույն անել մյուս ոտքով։
- Յուրաքանչյուր ոտքով 20 հարված անել։
6. Հենարանով թռիչքներ․ մարզում են ոտքի և ազդրերի մկանները։
- Դիմացը աթոռ կամ ցանկացած որևէ հենարան դնել։
- Ձեռքերը գոտկատեղին, մեջքը՝ ուղիղ։
- ցատկել և ձախ ոտքը դնել հենարանին՝ այն ուղիղ անկյան տակ ծալելով։
- Նույնը անել աջ ոտքով։
- Յուրաքանչյուր ոտքով՝ 15 անգամ։
7. Ոտքերը դեպի կողք՝ ձգում է ոտքերը։
- Ուղիղ կանգնել, ոտքերը միասին։
- Ձգել պրեսը։
- Աջ ոտքը պոկել գետնին և սուր անկյան ըակ պահելով դեպի առաջ տանել և կողք։
- Նույնը կրկնել ձախ ոտքով։
- Յուրաքանչյուր ոտքով 20 այսպիսի վարժություն կատարեք։