Կաթն ու կաթնամթերքը միշտ համարվել են օգտակար մթերք, ուստի մասնագետները խորհուրդ էին տալիս սննդակարգն անպայման հարստացնել նման մթերքով, սակայն վերջին շրջանում ավելի ու ավելի հաճախ է խոսվում կաթնամթերքի վնասակարության ու հնարավոր վտանգավոր հետևանքների մասին։
Ինչպես բացատրում են մասնագետները, կաթը պարունակում է լակտոզա կամ կաթնաշաքար, որը վատ է տարրալուծվում ու աղիներում հայտնվելու դեպքում բարենպաստ միջավայր է ստեղծում տոքսինների ու վնասակար բակտերիաների բազմացման ու կուտակման համար։ Բացի այդ, այս մթերքը պարունակում է նաև կազեին, որը պակաս վտանգավոր չէ։ Կազեինը կարող է կուտակվել օրգանիզմում, սոսնձել սնունդն ու դժվարացնել դրա վերամշակումը։ Բացի այդ, այս նյութը նպաստում է օնկոլոգիական հիվանդությունների զարգացմանը, ուստի կարող է շատ վտանգավոր լինել։
Կաթնամթերքի չարաշահումը կարող է նաև ալերգիաների կամ լակտոզայի նկատմամբ անհատական անհանդուրժողականության զարգացման պատճառ դառնալ, ինչը հանգեցնում է մի շարք մաշկային հիվանդությունների, որոնցից ազատվելն այդքան էլ հեշտ չէ։ Բացի այդ, գոյություն ունեն նաև բազմաթիվ այլ խանգարումներ, որոնք կարող են զարգանալ կաթնամթերքի հաճախակի գործածության դեպքում։ Դրանց շարքին են դասվում.
- մշտական հոգնածությունը,
- փորափքանքը,
- փորլուծությունը,
- ճարպակալումը,
- հաճախակի գլխացավերը,
- սրտամկանի վատ աշխատանքը,
- անոթների աղտոտվածությունը,
- աթերոսկլերոզը,
- օստեոպորոզն ու արթրոզը երիտասարդների մոտ։
Նման տհաճ խնդիրներից խուսափելու համար հարկավոր է հետևել օգտագործվող կաթնամթերքի քանակությանն ու չչարաշահել այն, սակայն այնուամենայնիվ ոչ մի դեպքում չի կարելի ամբողջությամբ բացառել կաթնամթերքը սննդակարգից, քանի որ չափավոր գործածության դեպքում այն շատ օգտակար է։
Նյութի աղբյուրը՝ med2.ru