Ատամի ցավը երբեք առանց որևէ պատճառի չի լինում և կարող է պայմանավորված լինել լնդերի հիվանդություններով, կարիեսով, նյարդի բորբոքմամբ կամ որևէ այլ խնդրով, ուստի ցավը մեղմելու համար հարկավոր է առաջին հերթին ազատվել դրա առաջացման պատճառից: Սակայն խնդիրն այն է, որ ոչ միշտ է անմիջապես մասնագետին դիմելու հնարավորություն լինում, մինչդեռ ցավը կարող է պարզապես անտանելի լինել:
Նման դեպքերում օգնության են հասնում շատ արդյունավետ բնական միջոցները, որոնք օգնում են մեղմել ցավը մինչև բժշկին այցելելը: Ձեր ուշադրությանն ենք ներկայացնում դրանցից մի քանիսը:
Մեխակի յուղ և մեխակ
Մեխակն ատամի ցավը մեղմելու ամենահասանելի ու արդյունավետ միջոցներից է: Պարզապես կարելի է 1-2 հատ մեխակ ծամել կամ կաթեցնել մեխակի յուղն ախտահարված ատամին: Այս պարզ միջոցը կօգնի հեշտությամբ մեղմել ցավը:
Սառույց
Եվս մի արդյունավետ միջոց է սառույցը, որը հարկավոր է դնել ախտահարված ատամին ու թողնել 15-20 րոպե: Այս պրոցեդուրան հարկավոր է կրկնել օրական 3-4 անգամ, ինչը կօգնի արդյունավետ կերպով մեղմել ցավը:
Սխտոր
Մյուս պարզ ու արդյունավետ միջոցը սխտորն է, որը վաղուց հայտնի է իր օգտակար հատկություններով: Հարկավոր է սխտորը մանրացնել, ավելացնել մի փոքր խոշոր ծովի աղ, լավ խառնել, այնուհետև խառնուրդը դնել ախտահարված ատամին:
Վանիլայի հյութահանուկ
Ցավը մեղմելու արդյունավետ միջոցների շարքին է դասվում նաև վանիլայի հյութահանուկը: Ընդամենը 2-3 կաթիլ հյութահանուկը կօգնի անմիջապես ազատվել ցավից:
Նյութի աղբյուրը՝ budetezdorovy.ru