Դերասանուհի Մարիամ Ալեքսանյանը սոցցանցերի իր էջերում տեսանյութ է տեղադրել Արցախի պատերազմում զոհված ժամկետային զինծառայող Հայկ Սահակյանի մասնակցությամբ ու գրել, որ նա այսօր կդառնար 20 տարեկան։ Հայկը հերոսաբար զոհվել է` փրկելով ընկերոջ կյանքը:
«Այսօր մեր հերոսի ծննդյան օրն է: Ռիժիկս, շնորհավոր ծնունդդ: Հերոս տղա, հզոր տղա: Խոնարհվում եմ քո առաջ, հրաշք տղա: Կյանքդ չխնայեցիր հայրենիքիդ և ընկերոջդ համար, լուսավոր ջան:
Վստահ եմ՝ դու հիմա երկնային, լուսավոր ու ամենադրախտային վայրում ես, ու այս անգույն աշխարհում քո ծննդյան օրը դարձավ լուսավոր օր:
Շնորհակալ եմ քեզ»,- գրել է նա:
Հիշեցնենք, որ Մարիամի եղբայրը ևս մասնակցել է Արցախի պատերազմին՝ որպես ժամկետային զինծառայող: Ավելի վաղ Մարիամը գրառում էր արել եղբոր մասին՝ նշելով, որ նա կռվել է ամենավտանգավոր տեղերում, իսկ վերջին կետը եղել է Շուշին: