1. Ծածկագիր մտածեք
Պայմանավորվեք, որ եթե որևէ մեկը երեխային ուզենա իր հետ տանել կամ կամ խնդրի դուռը բացել՝ ձեզ հղում անլով, պետք է ծածկագիրը խնդրեք: Եթե մարդն իսկապես ծնողների կողմից լինի, կասի ծածկագիրը: Այնպիսի բառ կամ արտահայտություն ընտրեք, որը հնարավոր չի լինի հեշտությամբ գուշակել: Թող դա լինի մի բան, ինչի մասին միայն դուք գիտեք:
2. Անուն, հասցե, տնային հեռախոսահամար, ծնողների անունները
Այս տեղեկությունը պետք է երեխային սովորեցնեք, որ իմանա, եթե կորի: Բնականաբար, այդ տեղեկությունը միայն ծայրահեղ դեպքում պետք է ասի և ցանկալի է՝ իրավապահներին:
3. Չխոսել անծանոթների հետ
Երեխային բացատրեք՝ ինչով կարող է սպառնալ անծանոթ մարդու հետ շփումը, սոցիալական հոլովակներ ցույց տվեք, հասկացրեք, որ դա վտանգավոր է: Ձեր փաստարկները հիմնավորեք նրանով, ինչը կարևոր է երեխայի համար:
4. Զգուշություն սոցցանցերի հետ
Պետք է երեխային պարտադրել համացանցում մասնավոր տեղեկություն չբացահայտել (տան հասցեն, տնից բացակայությունները, դպրոցի համար և այլն), ծածկագրեր օգտագործել, անծանոթ մարդկանց ընկերների ցանկում չավելացնել՝ ամենը, ինչը կարող է վտանգավոր լինել:
5. Նախազգուշացում
Երեխային ամենափոքր տարիքից սովորեցրեք, որ զգուշացնի, երբ գնում է:
6. Ասել «ոչ»
Եթե ձեր երեխային դուր չի գալիս, երբ իրեն հպվում են կամ իրեն ոչ անվտանգ է զգում ինչ-որ մեկի հետ, կամ նրան ինչ-որ բան են ստիպում, նա պետք է կարողանա ազատվել իրավիճակից: Մերժումը նրա կամքի արտահայտման իրավունքն է:
7. Տնից մենակ դուրս չգալ
Ինչ-որ տեղ գնալիս երեխան միշտ պետք է ինչ-որ մեկին հետը տանի: Եթե այդպիսի հնարավորություն չկա, ստիպված կլինեք դուք ուղեկցել նրան կամ նա տանը կմնա:
8. Ոչինչ չվերցնել օտարներից
Երեխային սովորցրեք երբեք ոչինչ չվերցնել օտարներից, նույնիսկ եթե նա ծանոթ է:
9. Իրեն ճիշտ պահել, երբ տանը մենակ է
Երեխային սովորեցրեք, որ պետք է մտնի տուն, փակի դուռը և զանգահարի ձեզ, ասի, որ տանն է: Եթե որևէ մեկը զանգարահարում է տան հեռախոսին կամ դուռն է թակում, չհայտնի, որ հայրիկն ու մայրիկը տանը չեն, միայն ասի, որ հիմա ծնողները չեն կարող մոտենալ, հարցնի՝ պե՞տք է ինչ-որ բան փոխանցել: Ոչ մի դեպքում դուռը չբացի:
10. Կարևոր հեռախոսահամարներ
Երեխային սովորեցրեք՝ ուր կարող է զանգել վտանգի դեպքում՝ ոստիկանություն, հրշեջ ծառայություն և այլն:
