Կյանքի ժամանակակից ռիթմն այնպիսին է, որ մենք հաճախ ենք թույլ տալիս, որ ուրիշները ներխուժեն մեր անձնական տարածություն: Ոմանք քիչ են մնում, իսկ ոմանք էլ երկար ժամանակ ապրում են մեզ մոտ գտնվելով: Այդ մարդիկ մեր կյանքում կարող են տարբեր կարգավիճակ զբաղեցնել, սակայն ուշադիր եղեք նրանց հանդեպ: Եթե նկատեք այս 5 հատկություններից մեկը, ապա հեռացեք նրանից՝ վստահ լինելով, որ նա մի օր կդավաճանի:
Նա էգոիստ է
Էգոիստին չարժե լիովին վստահել: Նա երբեք չի ընդունի իր սխալը և մեղավոր կհամարի հենց ձեզ: Ամեն հարմար առիթի ժամանակ կհիշեցնի ձեզ ձեր պատմած գաղտնիքներն ու խոսքերը: Բացի այդ, էգոիստը միշտ իր հարմարությունն է համարում առաջնահերթային, այնպես որ նրանից փոխզիջում մի ակնկալեք:
Նա չունի էմպաթիա
Այն մարդիկ, ովքեր դավաճանում են, զուրկ են էմպաթիայից՝ ցավակցելու և ուրիշի էմոցիաները հասկանալու ունակությունից: Պարզ է, որ մարդն ուղղակի խղճի խայթ չի զգում՝ իր կատարած ստորության պատճառով: Սահմանափակեք ձեր շփումը նման մարդկանց հետ:
Չի կարողանում լեզուն պահել ատամի տակ
Այն մարդը, ով ձեզ պատմում է ուրիշի գաղտնիքները, ձեր վստահությանը միանշանակ արժանի չէ: Հավատացած եղեք, որ ձեր գաղտնիքները կիմանան ուրիշները՝ հենց այդ մարդու շնորհիվ:
Նա նման է քամու ուղղությամբ պտտվող հողմացույցի
Եթե մարդը փոխում է իր կարծիքն ու վարքը կախված նրանից, թե որտեղ է գտնվում և այդ պահին իրեն ինչպես է ձեռնտու, ապա նա անկասկած այն մարդն է, ով առաջին իսկ հնարավորության դեպքում կդավաճանի ձեզ:
Նա պատրաստ չէ օգնելուն
Նա օգնություն է խնդրում, ստանում է օգնություն, նույնիսկ կարող է շնորհակալություն հայտնել: Բայց երբ ինքներդ ունենաք աջակցության կարիք, նա չի լինի ձեր կողքին: