Մազաթափությունը բավական տարածված խնդիր է, որն առաջանում է տարբեր գործոնների ազդեցությամբ։
Սննդարար նյութերի անբավարար քանակ, արտաքին գործոնների բացասական ազդեցություն, որոշակի հիվանդությունների առկայություն… խնդրի պատճառները կարող են տարբեր լինել։ Այս բնական միջոցները պարբերական օգտագործման դեպքում դրական ազդեցություն կունենան մազերի որակի վրա, կօգնեն դադարեցնել մազաթափությունը։
Կոկոսի կաթ: Կոկոսի կաթը բազմաթիվ ամինաթթուներ և անփոխարինելի ճարպաթթուներ է պարունակում, որոնք նպաստում են մազերի ամրացմանը, արագացնում հյուսվածքների վերականգնումը։
Ինչպես օգտագործել: Մեկ բաժակ կոկոսի կաթն ամբողջ երկարության քսեք մազերին։ Լոգանքի համար նախատեսված գլխարկ դրեք։ 35-40 րոպե անց մերսեք գլխամաշկը, լվացեք։ Կրկնեք շաբաթվա ընթացքում 2-3 անգամ։
Ալոէ վերա: Ալոէ վերան նյութեր է պարունակում, որոնք նպաստում են մազերի խոնավեցմանն ու վերականգնմանը, պայքարում մազաթափության դեմ։ Դրա պարբերական օգտագործումը նպաստում է մազածածկույթի թթվահիմնային հավասարակշռության վերականգնմանը։
Ինչպես օգտագործել: Բլենդերում մանրացրեք ալոէ վերան, որպեսզի խիտ հյութ ստանաք։ Քսեք այն մազերին, նուրբ շարժումներով մերսեք մաշկը՝ արյան շրջանառությունն ակտիվացնելու համար։ Թողեք 45 րոպե, լվացեք։ Կրկնեք շաբաթվա ընթացքում 3 անգամ։
Վիտամին E: Սա ևս դրական ազդեցություն է ունենում մազերի վրա։ Դրանում պարունակվող հակաօքսիդանտները հյուսվածքները պաշտպանում են ազատ ռադիկալներից, ինչն օգնում է կանխարգելել մազաթափությունը։ Վիտամին E-ն խթանում է արյան շրջանառությունը և լավացնում հյուսվածքների սնուցումը թթվածնով։
Ինչպես օգտագործել: Մեկ կամ երկու պարկուճ վիտամին E-ի պարունակությունը մերսող շարժումներով քսեք մազածածկույթին։ Թողեք լավ ներծծվի, լվացեք սովորական շամպունով։ Լավագույն արդյունքի հասնելու համար յուղը մազերին կարող եք թողնել ամբողջ գիշեր։ Օգտագործեք շաբաթվա ընթացքում նվազագույնը 2 անգամ։
Շամբալայի սերմեր: Սրանք անփոխարինելի սննդարար նյութեր են պարունակում, որոնք հարկավոր են մազերի որակի լավացման համար։ Դրանցում պարունակվող պրոտեիններն ու ամինաթթուները բջիջներն ու հյուսվածքները պաշտպանում են արտաքին միջավայրի վնասակար ազդեցությունից։
Բաղադրիչներ: 1 ճաշի գդալ շամբալայի սերմեր՝ 10 գրամ: 1 բաժակ ջուր՝ 200 մլ։ Ինչպես պատրաստել: Խառնեք երկու բաղադրիչները, քսեք մազերին։ 1 ժամ անց լվացեք։ Կրկնեք շաբաթվա ընթացքում 1-2 անգամ։
Ձիթապտղի յուղ: Ձիթապտղի յուղն անհրաժեշտ ճարպաթթուներ և հակաօքսիդանտներ է պարունակում, որոնք նպաստում են մազերի առողջ աճին։ Դրա օգնությամբ մազաթափությունը դանդաղում է, մազերը ծավալ են ստանում, դառնում ավելի ամուր ու փայլուն։
Ինչպես օգտագործել: Մի փոքր տաքացրեք ձիթապտղի յուղը, քսեք մազերին ամբողջ երկարությամբ։ 5 րոպե մերսեք մազերը։ 15 րոպե անց լվացեք։ Օգտագործեք շաբաթվա ընթացքում 3 անգամ։
Ավոկադո:Ավոկադոն հեշտ յուրացվող սպիտակուցներ ու ճարպաթթուներ է պարունակում, որոնք օգնում են ամրացնել մազերը։
Ինչպես օգտագործել: Տրորեք ավոկադոյի միջուկը, քսեք մազերին։ Լոգանքի համար նախատեսված գլխարկ դրեք, թողեք 2 ժամ։ Լվացեք շամպունով։ Կրկնեք շաբաթվա ընթացքում 1 անգամ։