«20 փաստ հայտնիների մասին» խորագրում այս անգամ բացահայտել ենք դերասանուհի Անահիտ Կիրակոսյանին: NEWS.am STYLE-ի թարմացված բլիցում Անահիտն անկեղծացել է իր բնավորությանն ու նախասիրություններին վերաբերող հարցերի շուրջ:
Բնավորությանդ ամենատարօրինակ գիծն՝ ըստ քեզ:
Տրամադրության շատ կտրուկ փոփոխություն՝ ուրախությունից մինչեւ լաց մեկ վայրկյանում:
Ունե՞ս մտածելակերպումդ հնաոճ գծեր. որո՞նք են դրանք:
Կարճ հագուստ երբեք չեմ հագնում. եթե հնաոճ է համարվում, ուրեմն՝ դա (ծիծաղում է):
Վատ սովորություններ, որոնցից հաջողվել է ազատվել, կամ պատրաստվում ես ազատվել:
Չունեմ այդպիսիք:
Բաներ, որոնք չանելու համար փոշմանել ես:
Դաշնամուրի չեմ գնացել, ցավոք…
Քանի՞սն են այն ընկերներդ, որոնց կարող ես վստահել ցանկացած գաղտնիք:
Մեկն է:
Եթե որեւէ խորհրդի համար կարիք լիներ դիմելու որեւէ պատմական կերպարի, ո՞վ կլիներ նա:
Գարեգին Նժդեհը:
Ամենասիրելի ֆիլմդ, որը կարող ես անդադար դիտել:
Շատ են… Հիմա կասեմ՝ «Փախուստ Շոուշենկից», ռոմանտիկներից էլ՝ «Շտապիր Սիրել»-ը:
Ավագ կոլեգաներիցդ ումի՞ց ես ամենից շատ սովորել:
Դավիթ Հակոբյանից՝ դերասան, ռեժիսոր, իմ վարպետ ու դասախոս:
Եթե կարողանայիր ստեղծել մի օրենք, որը մինչ օրս չկա, ո՞րը կլիներ դա:
Հեղինակային իրավունքի մասով հստակ օրենք կլիներ, ոչ թե ձեւական, այլ գործող ու հետեւողական կլինեի օրենքին:
Երբ 30 րոպե ազատ ժամանակ ես ունենում, ինչպե՞ս ես այն անցկացնում:
Կիթառ նվագելով ու երգ գրելով… Անպայման ստեղծագորոծում եմ:
Ամենասիրելի կերպարդ քո դերերից:
Օֆելյան՝ «Համլետ»-ից:
Ի՞նչն ես ամենից շատ կարոտում քո մանկությունից:
Խաղերը, երեխաներով լի բակն ու անվերջ ուրախ ձայները…
Մանկությանդ ամենասարսափելի հուշը:
Երբ շատ ցուրտ էր, ու փայտ էինք կրում, որ տունը տաքացնեինք:
Ունակություն, որը կցանկանայիր ունենալ:
Բուժել հիվանդներին:
3 բան, որ կփոխեիր հայ հասարակության մեջ:
Կուզեի ատելությունը, նախանձն ու չարությունը վերանար…
Կյանքիդ ամենաազդեցիկ մարդը:
Վիգեն Չալդրանյան:
Ինչի՞ մասին նորություններին ես ամենից շատ հետեւում նյուզֆիդումդ:
Մշակութային նորություններին:
Ամենածիծաղելի բամբասանքը, որը քո մասին լսել ես:
Չեմ լսել (ժպտում է): Երեւի՝ մեջքիս հետեւում են բամբասում:
Ի՞նչ մեկ բառով կնկարագրես ընտանիքդ:
Խենթ ընտանիք:
Ամենաչսիրածդ հարցը, որ տալիս են:
«Գիրացե՞լ ես»: