Առաջնագծում զոհվել է Հայաստանի «Կյոկուշին կան կարատե դո» ֆեդերացիայի նախագահ Սևակ Սերոբյանը, ով իր զինակից ընկերների հետ տևական ժամանակ է՝ գտնվում էր առաջնագծում։
Ս. Սերոբյանը Ազգային ժողովի «Իմ քայլը» խմբակցության պատգամավոր Արամ Խաչատրյանի հորաքրոջ որդին էր։
Պատգամավորը իր ֆեյսբուքյան էջում գրել է. «Անմահացավ հերոս եղբայրս՝
Սևակ Լևոնի Սերոբյանը,
Սևա՛կ ջան, իմ հարազատ, բառերը խեղդվում են կոկորդումս, չգիտեմ ինչպես արտաբերեմ բառեր, որոնք հնչելու են անցյալով ու կապվելու են քեզ հետ։
Իմ հպարտություն, իմ ամենաթանկ եղբայր, քո արյունով ներկեցիր հայոց հողն ու պարտադրեցիր այն հաղթանակը, որը, ցավոք, գալու է առանց քեզ գրկելու ու շնորհավորելու։
Անսահման է ցավս, սակայն անսահման է նաև հպարտությունս, որ հանուն Հայրենիքի մղվող սուրբ պատերազմում գլուխդ վայր դրեցիր հայոց եզերքի, տան ու օջախի խաղաղության ու հավերժի համար:
իմ անմահ հերոս….
Հավերժ փառք ու պատիվ քեզ իմ հզոր եղբայր… Հոգիդ լույսի մեջ լինի, իմ սիրելի եղբայր, Իմ Սեւակ…»։