Աղի կիրառությունը կենցաղում. լվանում ենք ապակիները, փայլեցնում զարդերն ու վերացնում տհաճ հոտերը

Ժամանակին աղը շատ թանկարժեք ապրանք էր համարվում, այսօր սակայն այն մեր խոհանոցի անբաժան մասն է կազմում։ Բայց չնայած որ ուտեստների մեծ մասն անհնար է առանց աղի պատկերացնելը, միևնույն է, շաքարի հետ միասին այն «սպիտակ մահ» են անվանում։ Սակայն պետք չէ թերագնահատել այն։

Աղը կարող է կենցաղում ևս շատ օգուտ տալ մեզ։ Հենց կենցաղում աղի տարբեր կիրառությունները դիտարկենք ստորև:

Տան և մեքենաների ապակիները մաքրելու համար

2 ճ.գ. աղը լուծեք 3 լիտր գոլ ջրի մեջ։ Այս լուծույթով լվացեք պատուհանները, սրանով կարող եք նույնիսկ կահույքի վրա մնացած լաքաները մաքրել։

Թեթև լվացք

Հագուստը գունաթափումից պաշտպանելու համար լվացքի մեքենայի մեջ մի քիչ աղ լցրեք։ Օգտագործելով աղը մի քիչ ջրի հետ միասին կարելի է հանել կարմիր գինու լաքաները։

Ատամնացավի դեպքում

Ատամնացավի դեպքում մի քիչ աղը լուծեք գոլ ջրի մեջ և դրանով ողողեք բերանը։

Ոտքերի քրտնարտադրության դեմ

Ոտքերի համար աղով վաննաներ կարելի է անել։ Դրա համար 8 լիտր ջրին 3 ճ.գ. աղ ավելացրեք և մեկ քառորդ օճառ։ Ոտքերի քրտնարտադրությունն ու տհաճ հոտը կանցնեն, բայց դա կարող է չորացնել մաշկը։

Վերացնում է ջեռոցի տհաճ հոտը

Եթե օրինակ ձուկ պատրաստելուց հետո ջեռոցում տհաճ հոտ է մնացել, ձեզ օգնության կհասնեն աղն ու դարչինը։ Մի քիչ այս խառնուրդից ցանեք ջեռոցի մեջ և մի որոշ ժամանակով այն միացրեք։ Մի քանի րոպեից ցնկացած տհաճ հոտ կանհետանա։

Արծաթն ու պղինձը մաքրելու հրաշալի միջոց

Խառնեք քացախն ու աղը և այդ խառնուրդով շփեք մետաղական իրերը մինչև կփայլեն։

Խցանված խողովակներ

Խոհանոցում լվացարանակոնքի խցանված խողովակը մաքրելու համար աղ լցրեք դրա մեջ և վրայից եռացրած ջուր։

Մաշկի համար սկրաբ

Քարաղը խառնեք լավանդայի եթերայուղի հետ։ Քսեք դեմքին, իսկ հետո ջրով լվացեք։ Յուղը կփափկացնի ձեր մաշկը, իսկ աղը կվերադարձնի փայլն ու նրբությունը։